JOQ Albania
Home

Kontakte me princin Charles, Anthony Joshua dyshohet si i infektuar me koronavirus
Shkruar nga: K Demiraj | Publikuar më: 25/03/2020 17:06

  • Share
  • Share
  • Share
  • Share

Princi i Uellsit, Charles ka rezultuar së fundmi pozitiv në testin ndaj koronavirusit. Kontaktet e tij kanë qenë të shumta javët e fundit, ndaj dyshohet se mund të jenë edhe shumë të tjerë të infektuar nga ky zinxhir.

Njëri prej tyre është edhe kampioni absolut i boksit, Anthony Joshua. Ky i fundit kishte kontakt me Princin Charles vetëm disa javë përpara se trashëgimtari i fronit të testohej pozitiv për koronavirusin.

Kampioni botëror i peshave të rënda po ndjek udhëzimet rreth vetë-izolimit por nuk ka treguar simptoma të sëmundjes vdekjeprurëse, e cila kërcënon të pengojë luftën e tij të ardhshme me Kubrat Pulev.

Mbetet e paqartë ku dhe kur e mori sëmundjen Princi Charles, por më 9 mars, ai kaloi ditën me Mbretëreshën, kryeministrin Boris Johnson dhe yjet e sportit dhe argëtimit, përfshirë Joshua, në shërbimin e Ditës së Commonwealth në Westminster Abbey.