Tashmë nuk ka më asnjë dyshim, UEFA konfirmoi mbrëmjen e sotme se për shkak te emergjencës së koronavirusit, finalet e turneve më të rëndësishëm evropianë, Champions League dhe Europa League do të shtyhen për një datë tjetër.
Organizata më e madhe e futbollit europian është detyruar që të sakrifikojë për momentin edhe kompeticionet e klubeve, pasi ka pasiguri të madhe kur mund të kthehet normaliteti në pjesën më të madhe të kontinentit, me shtetet kryesore që janë goditur shumë rëndë nga virusi.
Për sa i takon datave të reja është ende herët për të folur, me UEFA që njoftoi se grupet e punës të krijuara menjëherë pas bisedës me 55 federatat anëtare, kanë nisur të analizojnë alternativat që janë në dispozicion.
