Është vetëm 20-vjeç dhe Marash Kumbulla po tregon nga ndeshja në ndeshje se do të ketë një të ardhme të ndritur si futbollist. Mbrojtësi i kombëtares shqiptare po shkëlqen te Verona në Serinë A dhe është ktjyer në dëshirën e shumë ekipeve të njohura europiane.
Sot, shqiptari vlen 400 herë më shumë se para pak muajsh. Vlera kartonit të talentit ka pësuar një rritje stratosferike. Sipas “La Gazzeta Dello Sport”, vlera e Kumbullës nga 75 mijë euro që ishte para pak kohësh, sot ka shkuar në 30 milionë euro.
Pikërisht, kaq kërkon Verona për ta lënë të lirë djaloshin shqiptar. Nuk është çudi, që me këto rritme, në fund të sezonit, kjo vlerë të jetë dyfishuar, duke e shndërruar Marashin në një nga mbrojtësit më të shtrenjtë të momentit në Serinë A.