Kampioni i xhudos, Teddy Riner, ka pësuar më në fund humbjen e parë pas 10 vitesh që ndeshet. 30-vjeçari francez ka arritur të sigurojë deri më tani plotë 154 fitore radhazi prej shtatorit të vitit 2010, kur ai nisi të ndeshej për herë të parë, deri më 9 shkurt të këtij viti.
Ai u ndesh sëfundmi kundër japonezit Kokoro Kageura, i cili i dha fund edhe fitoreve rresht të Riner. Të dy u vendosën kokë më kokë në Grand Slam Paris, një kompeticion ndërkombëtar i xhudos, pjesë e Federatës Kombëtare të Xhudos. Ata konkuronin në kategorinë 100 kilogramëshe.
Riner arriti të mposhtte Kageuran gjatë takimit të tyre të parë në Montreal, vitin e shkuar. Prej atij momenti, japonezi ishte fiksuar dhe vendosur të mposhtte kampionin në fuqi.
Kageura arriti të fitonte ndaj kundërshtarit të tij duke përdorur një teknikë dore të njohur si “uchi-mata-sukashi”, gjatë raundit të tretë të Grand Slam.
Fitorja e japonezit erdhi në mënyrë të papritur dhe i la të gjithë të shtangur, pasi ishin mësuar tashmë me fitoret e herë pas hershme të francezit. Megjithatë, të gjithë e pranojnë se ishte një fitore e merituar dhe se nuk mund të jemi në përjetësi triumfatorë.
***
Burimi: Unilad |Përktheu dhe përshtati: JOQ Albania