JOQ Albania
Home

Ngadalësoi enkas celularët, Apple gjobitet me 25 milionë euro
Shkruar nga: A Shehaj | Publikuar më: 08/02/2020 12:19

  • Share
  • Share
  • Share
  • Share

Gjiganti i pajisjeve teknologjike më të shitura në treg është gjobitur me 25 milionë euro. Apple mori këtë gjobë pasi akuzohet për ngadalësimin e qëllimshëm të modeleve më të vjetra të iPhone pa i informuar konsumatorët.

Gjoba u vendos nga DGCCRF, mbikëqyrësi i konkurrencës dhe mashtrimit në Francë, i cili tha se përdoruesit nuk ishin paralajmëruar. Në vitin 2017, Apple konfirmoi se ngadalësoi disa iPhone, por tha se e bëri këtë vetëm për të "zgjatur jetën" e pajisjeve.

Mbikëqyrësi francez tha se pronarët e iPhone "nuk ishin të informuar se instalimi i përditësimeve të iOS (10.2.1 dhe 11.2) mund të ngadalësonte pajisjet e tyre".

Credit: PA

Si pjesë e marrëveshjes, Apple duhet të shfaqte një njoftim në faqen e tij në gjuhën frënge për një muaj. Ajo thotë se Apple kreu krimin e praktikës mashtruese tregtare me anë të mosveprimit dhe kishte pranuar të paguante gjobën.

Përse Apple i ngadalëson iPhone-t e vjetër?

Shumë klientë kishin dyshuar prej kohësh që Apple ngadalësoi iPhone-et më të vjetër për të inkurajuar njerëzit të blejnë pajisjet e reja. Në vitin 2017, kompania konfirmoi se bëri të ngadalësojë disa modele ndërsa plaken, por jo për të inkurajuar njerëzit që të blejnë të tjera.

Ai tha që bateritë litium-jon në pajisje u bënë më pak të afta për të furnizuar kërkesat aktuale kulmore, pasi plaken me kalimin e kohës.

Credit: PA

***

Burimi: LadBible|Përktheu dhe përshtati: JOQ Albania