Padyshim që Mauro Ikardi ka qenë një nga transferimet më të mëdha të verës së kaluar, kur kaloi nga Interi te PSG-ja në huazim, me mundësi blerje për 70 milionë euro.
Gjithsesi, duket se argjentinasi nuk do qëndrojë gjatë në Paris, pavarësisht se është duke shënuar gola dhe duke u shndërruar në një lojtar të rëndësishëm te kampionët e Francës.
Sipas asaj që shkruan ‘TuttoSport’, Mauro Ikardi është një prioritet për Juventusin gjatë merkatos së verës që hapet në qershor.
‘Zonja e Vjetër’ do të sfidojë PSG-në për lojtarin e Interit, i cili pas atij fundi te ‘Zikaltërit’, transferimin në Torino mund ta shohë edhe si mundësi për ‘hakmarrje’.
Priten zhvillime të reja gjatë ditëve në vijim...