Kristian Panuçi do mbahet mend si një nga trajnerët më të dështuar në kombëtaren shqiptare. Së fundmi, ai ka kujtuar edhe njëherë kohën e tij kur ka qenë në krye të Kombëtares.
Në një intervistë për mediat italiane, Panuçi e ka quajtur “vetëvrasje” faktin se ka pranuar atëherë që të marrë Shqipërinë, duke ditur se vinte nga një kualifikim në Europian dhe ishte e vështirë që të ndodhte sërish.
Ai tha:
Kur mbërrita, skuadra ishte e katërta në grupin kualifikues për Kupën e Botës 2018, në fund përfunduam në të tretin. Shqipëria është një vend shumë i ndërlikuar. Nëse pas vitit 2016 kishte një stol të vështirë në Evropë, ishte ai i Shqipërisë. Vinte nga Europiani i luajtur për herë të parë, duke pranuar ta merrje këtë detyrë, ishte një gjysmë vetëvrasje sepse do të ishte e vështirë të kualifikohesh. Por isha i lumtur: ishte një përvojë fantastike, kisha një marrëdhënie të jashtëzakonshme me djemtë. Presidenti i Federatës Shqiptare lëshoi deklarata të shëmtuara ndaj meje, por kur isha atje ai veproi si president dhe nuk ndërhyri për asgjë. Ai më lejoi të punoja”.
Kujtojmë që trajneri italian, Kristjan Panuçi u largua si dështim nga kuqezinjtë, për shkak të rezultateve negative që janë marrë në kohën e tij.