Shkon të konsumojë hamburger në fast food, vajza vë duart në kokë pasi gjen “mysafirin” e paftuar

Një vajzë e re ka mbetur e shokuar pasi në një hamburger të McDonald’s ka gjetur një merimangë të ngordhur të pjekur. Merimanga u gjet brenda ushqimit të partnerit të saj.

Joanna Kincaid, 22 vjeç, vizitoi një degë të restorantit të ushqimit të shpejtë në College Road në Birmingham. Ajo kishte vendosur të konsumonte hamburger bashkë me partnerin e saj Jason në 8 janar, por gjithçka ka shkuar keq.

Pak para se partneri i saj të kafshonte hamburgerin, çifti është neveritur pasi ka gjetur një merimangë të vogël kafe të ngulitur në një cep të bukës. Dyshja menjëherë e kthyen hamburgerin përsëri në dyqan, por nuk morën asnjë kompensim për këtë.

Vajza tha se nuk ka për t'u futur më kurrë në një dyqan MC Donalds. Ajo shtoi:

Ishte e pështirë. Këmbët e merimangës kishin ngecur në bukë. Nuk e imagjinoj dot se si punonjësit e jnë kompanie kaq të madhe, e cila u shërben si fëmijëve, edhe të rriturve, nuk e vunë re insektin në ushqim. Fatmirësisht kjo më ndodhi mua dhe jo ndonjë fëmije të vogël, i cili me shumë mundësi, nuk do ta kishte vënë re fare”.

***

Burim: DailyMail|Përktheu dhe përshtati: JOQ Albania