Tensioni është i pranishëm te Juventusi edhe kur skuadra fiton. Bardhezinjtë mposhtën mbrëmjen e djeshme Romën duke u rikthyer në vendin e parë në tabelën e klasifikimit, por jo gjithçka ka shkuar siç duhet.
Kësaj here,ai që u mërzit për zëvendësimin ishte Paulo Dybala. Argjentinasi nuk e kapërdiu dot lehë largimin nga fusha para kohe dhe u pa i tërbuar, por Sarri nuk shqetësohet aspak.
Sarri u shpreh:
Nëse Dybala del nga fusha nervoz, as që më plas fare… Nëse Paulo apo kushdo tjetër këtu nervozohet dhe më pas reagon edhe më mirë në fushë në ndeshjen e ardhshme, për mua është perfekte. Në të kundërt jam unë që i bëj vlerësimet. Dhe unë jam në këtë post jo vetëm për të bërë vlerësimet e skuadrës në fushë, por edhe më shumë sesa kaq. Nëse Paulo ka parë një ndeshje tjetër, unë shoh një ndeshje tjetër nga stoli, e cila nuk lidhet me paraqitjen e një individi, por të mënyrës se si duhet të lidhet skuadra. Prandaj, për mua ky diskutim përfundon këtu. Sepse mbi të gjitha, në të gjithë karrierën time, nuk kam parë një lojtar të vetëm që të dalë ndonjëherë i lumtur nga fusha e lojës”.