Patrick Cutrone ka braktisur Premier Leaguen pas vetëm 6 muajsh dhe tashmë ka nisur një tjetër aventurë, duke u rikthyer sërish në Serinë A.
Italiani rikthehet kështu në Itali por këtë herë me një tjetër fanelë dhe jo me atë Milanit.
Ai ka mbërritur në Itali ditën e sotme për të kryer vizitat mjekësore dhe më pas do të firmosë kontratën e tij me Fiorentinën.
Prej ditësh Fiorentina ishte në negociata me Wolves dhe sot lojtari ka marrë dritën jeshile për të udhëtuar drejt Italisë.
Ai do të nisë menjëherë aventurën e tij me ekipin vjollcë, ku pritet të luajë ndoshta edhe që këtë javë me ekipin e ri.