Gjithçka lindi disa vite më parë nga dëshira e madhe për të qenë krah popullit shqiptar, për t’ju gjendur pranë e për të dëgjuar zërin e shtypur të gjithsecilit prej shqiptarëve dhe kjo u shpërblye në mënyrën më falënderuese. Ju na dhatë besimin tuaj dhe ne u bëmë zëri juaj!
JOQ ALBANIA, media e renditur në vend të parë në Facebook për vitin 2019
Një formuese gjithëpërfshirëse kombëtare e krijuar nga shqetësimet, problemet, gëzimet, humori dhe kërkesat tuaja për ndihmë. Është ky përkufizimi i medias ku bashkohen shqiptarët e Shqipërisë, Kosovës, Maqedonisë, Malit të Zi e atyre që jetojnë jashtë trojeve shqiptare dhe na gjenden afër me mbështetjen e tyre të pakufishme, pavarësisht kilometrave.
Një prej shifrave më të larta të arritura në mënyrë organike në kohë reale në Google Analytics përsa i përket klikimeve
Keni qenë, jeni dhe do të jeni e drejta për ne, sepse zëri i popullit është më i fuqishmi, pavarësisht padrejtësive të evoluuara ndër vite nga qeverisja, e cila ka tentuar të shuajë çdo shkëndijë që tentonte të ndizte zjarr në shpirtin e shqiptarëve.
Asgjë nuk na ka ndalur në vijimin e punës tonë, jemi ngritur lart akoma, madje edhe më të fortë pavarësisht sulmeve të qeverisë në tentativë e sipër për të na demoralizuar e për t’u gjunjëzuar ashtu siç janë shitur shumë kolegë tanët.
Mbi 2.8 milionë përshtypje përgjatë një jave
Vetëm falë jush, zgjedhjes dhe besimit tuaj, media e shqiptarëve qëndron e pavarur dhe renditet e para në trojet shqiptare përsa i përket shikueshmërisë në të gjitha rrjetet sociale.
Me mbi 2 milion pëlqime në Facebook dhe mbi 1 milion ndjekës në Instagram, JOQ qëndron e fortë dhe e palëkundur, e pacënueshme ndaj çdo presioni qeveritar apo këlyshëve të tij.
Mbi 1 milion ndjekës në Instagram, mbi 2.7 milionë vizita në profil
Qëllimi i këtij artikulli është falenderimi i çdo ndjekësi ose jo të JOQ, atyre që na shkruajnë në çdo sekond të ditës dhe atyre që për shkak të frikës të pushtetit na dërgojnë materiale duke na kërkuar t’i ruajmë privatësinë.
Statistikat e renditjes/ Lider në Shqipëri dhe Kosovë
Ju jeni forca jonë dhe kjo do qëndrojë gjithnjë, sepse JOQ është media juaj, ju jeni ata që i jepni kuptim emrit tonë!
