Nëna e “yllit” të Realit tregon ëndrrën e jashtëzakonshme që pa i biri kur ishte vetëm 4-vjeç

Fede Valverde është futbollisti i momentit te Real Madridi, pasi edhe pse vetëm 21-vjeçar, ai është kthyer në një titullar të padiskutueshëm për Zinedine Zidane.

Madje ka ulur në stol jo në pak raste një emër si Luka Modric. Uruguajani për momentin ndodhet me ekipin në Arabinë Saudite, aty ku Real do të luajë Superkupën e Spanjës.

Së fundmi, vëmendjen e ka vjedhur mamaja e tij, Doris Valverde, e cila në një rrëfim për “Marca” ka zbuluar se djali i saj e ka parashikuar të ardhmen, pasi e ka parë në ëndërr.

Ajo tregoi:

Fede ishte katër vjeç në atë kohë. Ai u zgjua në mëngjes dhe na tha: ‘Mami, babi, pashë në ëndërr sikur isha në një stadium, ku të gjithë po bërtisnin emrin tim dhe ishin të veshur në të bardhë. Flisnin gjuhë të ndryshme nga ne.’ Gjithsesi, historia nuk përfundon këtu, pasi kur Fede ishte 10 apo 11 vjeç, përsëri u zgjua një mëngjes dhe na tha: ‘Mami, ekipi që unë pashë në ëndërr ishte Reali i Madridit."”