Nuk ka shkuar aspak mirë aventura e Daniele De Rossit në Argjentinë te skuadra e Boca Juniors. Vetëm pas pak muajsh bashkëpunim, italiani ka shpallur zyrtarisht divorcin me këtë ekip dhe tani pret të rikthehet në Itali.
Lajmin e konfirmojnë mediat argjentinase të cilat zbuluan se pas një takimi me presidentin e ri, Horge Amor Ameal, palët vendosën të mbyllnin marrëveshjen mes tyre.
De Rossi ka kërkuar ndërprerjen e marrëveshjes pasi kishte probleme personale familjare dhe i duhej të kthehej në Itali.
Ndërkohë, në Itali flitet për ofertën që i ka bërë Roma për ta përfshirë në stafin e trajnerit Fonseka si dhe në akademinë e klubit, ku do të fillojë karrierën e teknikut me ëndrrën që në të ardhmen të drejtojë skuadrën e parë.
