Turistët e huaj në Shqipëri janë një ndër burimet më të mëdha të të ardhurave në ekonominë shqiptare.
Ata vijnë në vendin tonë për shkak të bukurive natyrore të panumërta që të ofron vendi ynë, ku gjen një larmishmëri pasurish natyrore, si dete, lumenj, kanione, male, kodra, fusha, laguna, pyje etj.
Mirëpo, turistët e thuaj jo gjithmonë kanë mbetur të kënaqur në vendin tonë, pasi shpesh janë përballur me situata të pazakonta, ku kanë re pre e incidenteve, siç ndodhi gjatë verës së vitit të kaluar në hotelin e Mihal Kokëdhimës, ose turistë të tjerë që janë dhunuar ose grabitur nga shqiptarë, që përpiqen t'i vënë bojën vendit tonë me veprat e tyre të paskrupullta.
Një rast i ngjashëm është regjistruar së fundmi në Tiranë, ku një turiste e huaj ka rënë pre e një grabitje, ku i janë vjedhur të gjitha paratë.
Ajo është detyruar të dalë të lypë në mes të rrugës në kryeqytet, pranë 9-katsheve.
Siç shihet dhe në fotot e siguruara nga JOQ Albania, turistja e huaj mban një letër në duar, ku kërkon ndihmë dhe tregon atë që i ka ndodhur.
Në letrën që mban në duar shkruhet:
Mesa duket, "skifterët" nuk po kursejnë as turistët e huaj tashmë. Kushdo që e ka bërë këtë vepër të turpshme, të pretenduar nga turistja e huaj, harron se i ka vendosur një njollë të madhe vetes dhe vendit ku jeton, pasi ajo nesër do të kthehet në vendin e saj dhe do ta ndajë këtë eksperiencë të keqe në Shqipëri me shumë njerëz të tjerë.
Dhe nga të tilla ngjarje, vendi ynë merr emër të keq në vendet perëndimore, kur nëse i thua dikujt që je shqiptar të shohin me dyshim ose frikë.