Një shqiptar i Kosovës është ndaluar nga policia serbe në pikën kufitare të Merdarës.
Bëhet fjalë për shtetasin Nezir Mehmetaj, i cili sipas mediave kosovare është ndaluar për shkak se gjendej në listën e të kërkuarve për krime lufte.
Mehmetajt i është sekuestruar telefoni dhe që nga ai moment nuk ka patur asnjë kontakt me familjarët.
Ndërkohë, një i afërm i Mehmetajt ka dërguar një mesazh në redaksinë e JOQ Albania, ku shprehet se ai ka ardhur për pushime në Kosovë.
Sipas tij, Nezir Mehmetaj jeton dhe punon prej 25 vjetësh në Zvicër.
Ai tregon se në momentin e ndalimit nga policia serbe, Mehmetaj ka qenë me nënën e tij dhe një kushëri.
Familjari shprehet se Mehmetaj kishte dërguar të ëmën në një spital në Beograd, pasi u ndalua nga policia serbe pasi po kthehej në Kosovë, pardje rreth orës 19:00.
Më tej, ai thotë se i afërmi i tij është mbajtur për 48 orë në paraburgim dhe akuzohet për "krime lufte".
Mesazhi i plotë: