Nëna e një vajze të vogël ka rrëfyer mjaft e shqetësuar se çfarë i ndodhi teksa i bleu të bijës një kukull për Krishtlindje. Ajo thotë se lodra e fëmijës së saj ishte e mbushur me kokainë.
Mamaja, Elizabeth Faidley tregon se ajo dhe e bija, Ellie, ngelën të shtangura dhe tepër të mërzitura pasi vunë re që kukulla në formë sirene nuk ishte siç ato kishin menduar. Ishte një kukull që i kishte sytë mjaft të frikshëm.
Në mënyrë që ta bënte kukullën, të cilës i vunë emrin Prela, që të dukej më e paraqitshme, Elizabeth sugjeroi që t'ia lyenin flokët me të verdhë. Megjithatë, edhe pse u munduan ta zbukuronin, kukulla vijonte të dukej e shëmtuar.
Teksa po kërkonte në internet, Elizabeth zbuloi një lloj “spitali” për kukullat, ku dërgoheshin kukullat dhe pelushët e dëmtuar, e më pas ua kthenin pronarëve në gjendje të mirë. Kështu, ajo vendosi të çonte aty kukullën e së bijës, për të marrë më pas një sirenë bukuroshe.
Mirëpo, teksa kaluan disa javë pa kontakt nga spitali i kukullave, Elizabeth mori një mesazh nga ana e policisë së Secaucus, në të cilin thuhej se oficerët duhej të kontaktonin sa më parë me të.
Gruaja tregon:
Ishte pak e vështirë që gruaja të bindte policët se nuk kishte qenë ajo që kishte futur kokainën brenda kukullës, megjithatë, pas hetimesh të shumta, u dol në përfundimin se kukulla e shëmtuar si sirenë, të cilën Elizabeth i kishte blerë për ditëlindje të bijës, kishte qenë e mbushur që më parë me lëndën narkotike.
***
Burim: Unilad |Përktheu dhe përshtati: JOQ Albania