Shpërthimi i bombolës së gazit në Tiranë, dalin pamjet e frikshme nga vendi i ngjarjes

Një ngjarje e rëndë ndodhi mesditën e sotme në zonën e Alliasit në Tiranë, ku një bombulë gazi shpërtheu në një banesë private.

Si pasojë e shpërthimit, banesa u përfshi nga flakët, duke rrezikuar jetën e personave që ndodheshin brenda.

Dy të moshuarit që jetonin në banesë mbetën të lënduar nga shpërthimi. Ata janë 80-vjeçari, B.H. dhe 77-vjeçarja, N.H.

Fatmirësisht, të moshuarit u nxorrën jashtë nga forcat zjarrfikëse dhe ato të policisë. Ata u transportuan në spital, ku ndodhen jashtë rrezikut për jetën.

Një qytetar ka dërguar në redaksinë e JOQ Albania edhe pamje nga vendi i ngjarjes, ku shihen pasojat që ka lënë në banesën private shpërthimi i bombolës së gazit.

Siç shihet dhe në video, shpërthimi ka qenë aq i fuqishëm saqë ka shkaktuar dëme të mëdha materiale në banesë.

Mesazhi i plotë:

Pershendetje joq, pamje nga shperthimi i bomboles ne allias sot ne dreke. Ishin brenda dy te moshuar, po fatmiresisht me lendime te vogla dhe u shpetuan nga policia. Flm"

Njoftimi i Policisë:

Rreth orës 13:09 në Allias, në një banesë private ka shpërthyer një bombul gazi dhe për pasojë banesa është përfshirë nga flakët. Policia së bashku me shërbimin e zjarrfikses kanë shkuar menjëherë në vendngjarje ku kanë mundur të nxjerrin dy të moshuar shtetasit B. H.,80 vjeç dhe N. H.,77 vjeçe që banonin në banesë, të cilët u dërguan në spital për ndihmë mjeksore . Grupi hetimor ndodhet në vendngjarje, ku po vijon punën për sqarimin e rrethanave të ngjarjes."