Një ngjarje e rëndë ndodhi rreth orës 7 të mëngjesit të ditës së sotme, ku efektivi i RENEA-s, Bledar Beluli, ra ka një lartësi prej 200 metrash në greminë në malin e Zorgjit në Dukagjin.
Të vetmit që e kanë ndihmuar Bledarin të dalë nga vendi ku kishte rënë kanë qenë banorët e zonës, pasi kishte kaluar rreth 5-6 orë në brendësi të greminës.
Ai ka marrë dëmtime të shumta në pjesë të ndryshme të trupit, duke nisur nga dy këmbët, duart, legeni, por edhe brinjët. Edhe pse banorët e zonës kërkuan ndihmën e shtetit dhe ardhjen e një helikopteri për të nxjerrë të riun prej aty, ndihma nuk erdhi.
Një video e mbërritur në redaksinë e JOQ Albania tregon vendin ku ka rënë efektivi i RENEA-s, i cili u braktis nga shteti dhe ndihmën që po i japin banorët e zonës.
JOQ mëson se pas nxjerrjes nga gremina, efektivi i RENEA-s është vendosur në një autoambulancë dhe do të transportohet drejt Spitalit të Traumës në Tiranë.
Një miku i Bledarit ka shkruar pranë JOQ Albania, ku tregoi se katër vite më parë, familja e Bledarit ka përjetuar një fatkeqësi. Sipas tij, vëllai i Bledarit humbi jetën tragjikisht në një aksident me makinë. Ai ishte vetëm 25-vjeç.
Sipas raportimeve, mësohet se ndonëse ka dëmtime të shumta fizike, efektivi i RENEA-s ndodhet jashtë rrezikut për jetën.
