JOQ Albania
Home

‘Nuk është se kaluam një tërmet dhe shpëtuam’, këshillat që jep inxhinierja Luljeta Bozo
Shkruar nga: L Çela | Publikuar më: 02/12/2019 21:24

  • Share
  • Share
  • Share
  • Share

Inxhinierja Luljeta Bozo ka folur sërish në lidhje me tërmetin që ‘shkundi’ Shqipërinë, por ka dhënë edhe disa leksione se çfarë duhet të bëjmë në momentin që toka lëkundet.

Ajo theksoi për ‘Ora News’ se kur bie tërmet nuk duhet të lëvizim, e aq më tepër të marrësh ashensorin.

Më tutje, Bozo shton faktin se e mira është të qëndrosh poshtë një tavoline të qendrueshme ose poshtë katrorit të derës.

Bozo tha për ‘Ora News’ se:

Nuk është se e kaluam këtë tërmet edhe shpëtuam. E para dhe e dyta, duhet të mësohemi, që kur bie tërmeti, goditja e ani, nuk duhet lëvizur. Janë ca gjëra fare elementare. Sepse lëvizin, vrapojnë nëpër shkallë. Është gjithë pallati. E keqja më e madhe është që futemi në ashensor, që nuk lejohet kur ka lëkundje sizmike, se mund të bllokohesh dhe mund të ngelesh edhe brenda. Vrapojnë nëpër shkallë dhe përplasen me njëri-tjetrin, duke thyer këmbë e kokë vetëm nga paniku. Ndoshta nuk ka vend për panik. Rri poshtë një tavoline të qëndrueshme, ose mos lëviz fare nga vendi. Ose rri poshtë asaj katrorit të derës, kur është më murë jo me kartongjez. Sepse aq është ajo, disa sekonda.

Më poshtë, inxhinierja nënvizon faktin se duhet kontrolluar shtëpia menjëherë pas lëkundjes.

Pas atyre pak sekondave, dil dhe shiko nëse ke çarje të mureve. Hidhi një sy shtëpisë. Mos shiko se çfarë qelqurinash të ranë. Zbrit, dil përjashta nga shkallët. Dhe këtu duhet edukimi. Duhen parë difektet që shihen me sy, edhe nga një jo-profesionist, por që e kuptojnë se përbëjnë rrëzik. Përshembull, nëse është godinë me muraturë dhe ka çarje diagonale, 45 gradë është e rrezikshme. Nëse e ke me kolonë dhe me trarë, dhe aty ku bashkohet kolona me traun ka çarje, ose në katin e parë ka marrë shumë çarje kolona ajo është e rrezikshme. Atëherë mos u fut brenda pa ardhur pa të thënë specialisti që të hysh apo të mos hysh. Mos rreziko kokën pasi jeta është e para. Po nuk ke jetën nuk bën dot asnjë gjë.