Tërmeti i 26 nëntorit, përveç 51 viktimave, shkaktoi dëme kolosale materiale, duke lënë qindra ndërtesa të shkatërruara e rrënuara, ndërsa mijëra të tjera kanë pësuar dëme të mëdha.

Dëme të shumta materiale janë shënuar edhe në Tiranë, ku një prej tyre është edhe godina e Televizionit Publik Shqiptar (TVSH).

Një punonjës i TVSH-së ka dërguar një mesazh në redaksinë e JOQ Albania, ku tregon rrezikun që i kanoset godinës ku ata punojnë.

Sipas tij, ende nuk ka ardhur asnjë ekspert për ta parë dhe kanë frikë të punojnë, pasi ndërtesa mund të shembet e mund t’i zërë brenda.

Madje punonjësi i televizionit publik shprehet se kanë bërë kërkesë tek drejtorët, por askush nuk ka pyetur për ta.

Siç shihet dhe në fotot e dërguara nga denoncuesi, godina e TVSH-së ka dëme të konsiderueshme materiale.

Por absurdi nuk mbaron me kaq! Ai tregon se një ditë pas tërmetit, drejtori ka dhënë urdhër që dyert e emergjencës të mbyllen.

Mesazhi i plotë:

Pershendetje JOQ! Punojme ne televizionin shqiptar "TVSH". Keni frike se po na shembet godina dhe do na zej brenda. Kerkojme expert te vin te shohin nderresen po askush nuk vjen. Bejme kerkes ke drejtorat askush nk na e "pjerdh" ndetesa ka deme te medha kemi frik dhe te bejme foto se na heqin nga puna. Pervec kesaj pashpirtesia nuk ka fund, nje dite mbas termetit jepet urdher nga drejtori qe dyert e emergjences te mbyllen. Ju lutem anonim se e dini vet ju cfare ndodh me "spiunat" ose armiqt e partise. Ju flm."