Prej disa ditësh, te Juventusi vazhdon të jetë e nxehtë çështja "Kristiano Ronaldo". Ylli portugez është zëvendësuar nga trajneri Sarri në dy ndeshjet e fundit dhe kjo e ka mërzitur jashtë mase atë.
Megjithatë, gjërat duket se janë sheshuar ditën e sotme dhe pritet që Ronaldo të rikthehet në fushë për Juventusin, në ndeshjen e mesjavës në Champions League kundër Atletikos së Madridit.
Para se në qendrën sportive “Continassa” të përfundonte stërvitja, Sarri dhe Ronaldo patën edhe një dialog të gjatë mes tyre.
Sipas mediave italiane, ata kanë biseduar për gjendjen shëndetësore të Ronaldos, por edhe për të sheshuar gjithçka që mund të jetë ngritur mes tyre në javët e fundit.
Te Juventusi pritet të rikthehet normaliteti që nga ndeshja e radhës në Champions ndaj Atletiko Madridit...