Më shumë se gjysma e gomerëve që ndodhen në botë mund të zhduken nga sipërfaqja e rruzullit tokësor brenda pesë biteve. Kjo për shkak të rritjes së kërkesës për këtë kafshë në mjekësinë kineze. Lajmi është paralajmëruar nga shoqata bamirëse “Donkey Sanctuary”.
Rreth 5 milionë lëkurë gomari përdoret çdo vit për të krijuar elajon, një lloj xheli, i cili thuhet se është ilaç shëndetësor që po nis të përdoret gjerësisht në fushën e mjekësisë. është pikërisht prodhimi i këtij xheli ai që rrezikon zhdukjen e gomerëve.
Siç raportojnë mediat e huaja, elajo, e cila më parë ruhej dhe përdorej vetëm nga perandorët, tashmë po kërkohet gjerësisht nga shtresa e mesme e shoqërisë. Ky xhel thuhet se shëron sëmundje të shumta, duke nisur nga ftohja, gripi, apo edhe lufta ndaj plakjes së qelizave.
Sipas “Donkey Sanctuary”, prodhimi i kësaj substance është rritur me 20% çdo vit, nga viti 2013 në vitin 2016. Numri i popullatës së gomerëve në Kinë ka rënë me 76% që nga viti 1992, ndërsa tani vendi po importon lëkurën e kësaj kafshe nga Amerika e Jugut, Afrika dhe Azia.
Momentalisht në botë ndodhen 45.8 milionë gomerë.
***
Burim: DailyMail |Përktheu dhe përshtati: JOQ Albania