Një 23-vjeçar, i cili gëzonte shëndet të plotë, ka ndërruar jetë si pasojë e prekjes nga një infeksion që njihet si “vrasësi i heshtur”. Djali ka mbyllur sytë përgjithmonë vetëm një javë pasi u kthye nga pushimet në Spanjë.
Familja e britanikut Luke Brown është shprehur se djali ka qenë i shëndetshëm dhe është marrë me sport gjatë gjithë jetës së tij. Ai nuk vuante nga asnjë sëmundje.
Në muajin shtator i riu u dërgua me urgjencë në spital nga prindërit e tij, pasi këta të fundit e gjetën në gjendje të rëndë shëndetësore, teksa ishte i shtrirë në shtrat. Djali u shtrua në spital, por rreth një javë më pas, teksa ra në koma, ndërroi edhe jetë.
Siç raportohet, i riu ishte viktimë e një vdekje të shpejtë, pasi ishte prekur nga një lloj meningiti, i cili mund të sjellë vdekjen e personit të prekur, edhe brenda 4 orëve.
Prindërit e Luke kanë folur në lidhje me sëmundjen e tmerrshme, me shpresën që persona të tjerë të cilët preken nga sëmundja që u prek djali i tyre, të mund të dallojnë në kohë simptomat dhe të shpëtojnë jetën e tyre.
Luke kishte shkuar me pushime në Benidorm të Spanjës, kur u sëmur papritur.
***
Burim: Mirror|Përktheu dhe përshtati: JOQ Albania