Agjentët e policisë kufitare në Argjentinë kanë vënë në pranga një grua, e cila auzoeht për trafikim lëndësh narkotike. Gruaja kishte fshehur në trupin e saj jo pak por plotë 4 kilogramë e gjysmë marijuanë, teksa pretendonte të ishte shtatzënë.
Gruaja kishte sistemuar mirë marijuanën në pjesën e barkut, për t'u dukur shtatzënë. Ajo ishte duke udhëtuar me autobus pranë kufirit me Kilin.
34-vjeçarja e dyshuar ishte duke ikur nga Mendoza në Santa Cruz të martën, teksa autobusi në të cilin po udhëtonte bashkë me të shoqin 36-vjeçar, u ndalua në një pikë të kontrollit kufitar.
Sipas raportimeve policore, agjentët argjentinas, të cilët hynë brenda në autobus, vunë re se nga barku i gruas varej një qese e zezë.
Ata zbritën gruan dhe të shoqin nga autobusi ndërsa gjatë një kontrolli të dytë, gruaja tha se ishte shtatzënë. Megjithatë, policët dyshuan pasi vunë re një lëvizje jo të zakontë në pjesën e barkut të 34 vjeçares.
Pasi e kontrolluan, oficerët vunë re se ajo nuk kishte bark shtatzënie, por diçka të ngjitur në vend të barkut. Ata zbuluan 15 pako me lëndë narkotike të mbështjella në qese plastike.
Burrë e grua do të mbahen në qeli teksa ndaj tyre do të zyrtarizohen akuzat e trafikut të lëndëve narkotike si dhe do të vijojnë hetimet.
***
Burim: DailyMail |Përktheu dhe përshtati: JOQ Albania
