JOQ Albania
Home

Erkand Qerimaj na bën krenarë, fiton tre medalje argjendi në turneun ndërkombëtar
Shkruar nga: V Gashi | Publikuar më: 18/11/2019 18:23

  • Share
  • Share
  • Share
  • Share

Kampioni shqiptar në peshëngritje, Erkand Qerimaj, po vijon të marrë rezultate të shkëlqyera në turnetë ndërkombëtarë, ku merr pjesë.

Së fundmi, Qerimaj na ka bërë krenarë duke fituar 3 medalje argjendi në turneun ndërkombëtar "International Naim Suleymanglu".

Turneu në fjalë është kualifikues për lojërat olimpike "Tokyo 2020".

Peshëngritësi 31-vjeçar ka thyer edhe rekordin kombëtar në dygarësh, duke sjellë kështu rezultatin e tij më të mirë.

Ai ngriti 351 kg në dygarësh. Lajmi është bërë vetë i ditur nga Qerimaj, i cili përmes një statusi në llogarinë e tij në "Facebook", tregon mirënjohje për të gjithë ata që e kanë mbështetur dhe përkrahur në këtë mision.

Qerimaj uron që të gjithë shqiptaret të ndihen krenarë për arritjen e tij, pasi siç thekson dhe vetë, se pa përkrahjen e shqiptarëve, çdo gjë do të kishte qenë shumë më e vështirë për të.

Ai shkruan në "Facebook": 

Ngrita 158 shkëputje dhe 193 në shtytje. Përzemërsisht falënderoj familjen time për mbështetjen , trajnerin tim Zef Kovaçi, Komitetin Olimpik dhe Federatën e peshëngritjes që mundësuan pjesëmarrjen në garat kualifikuese ! Mirënjohës shumë edhe për suportin e dhënë nga “Sport Klub Tirana” dhe “Muscle Gain Albania” ! Ngritja e flamurit për mua është një mision shumë i rëndësishëm dhe uroj me zemër të ndihen të gjithë shqiptarët krenarë për arritjen time që pa dashamirësinë dhe përkrahjen tuaj do ishte shumë më e vështirë."