Shqipëria u mund sonte 0-2 nga Franca. Pas ndeshjes, trajneri i Shqipërisë, Edi Reja, foli për mediat duke analizuar edhe sfidën.
Italiani u shpreh i kënaqur me këto eliminatore, por gjithashtu theksoi se duhen futur akoma lojtarë të rinj në ekip. Në fund edhe një koment për rinovimin e kontratës.
Reja tha:
Sot kishim kampionët e botës dhe bëmë lojë të mirë. Kemi bërë mirë dhe me lojtarë të rinj. Doja ta mbyllnim më mirë por nuk ia dolëm dhe më vjen keq. Doja të shihja futbollistët edhe në fushë. Doja t’i jepja hapësirë të gjithëve dhe do ta bëja edhe më herët. Me pak më shumë fat mund të merrnim pikë me Turqinë, Islandën.
E ardhmja si trajner? Do të flas me presidentin për të ardhmen time pasi kontrata ime përfundon sot. Kemi bërë një punë të mirë dhe më ka pëlqyer. Do të doja të vazhdoja me Kombëtaren shqiptare”.