Ditën e djeshme, thuajse në të gjitha mediat mori dhenë një lajm mbi dhunimin e transgjinores së famshme Anxhela.
Lajmi u konfirmua nga drejtoresha ekzekutive e Aleancës LGBTI në Shqipëri, Xheni Karaj, e cila tha se transgjinorja është dhunuar nga një grup personash dhe se kjo gjë është e ripërsëritur.
Sulmi ndaj Anxhelës "zgjoi" nga gjumi edhe ambasadën holandeze në Shqipëri, e cila përmes një deklarate u shpreh e "shokuar" nga ky akt.
Mirëpo dje ndodhi edhe shembja e 33 banesave në Zonën e Unazës së Re, ku për realizimin e këtij plani djallëzor të ideuar nga dyshja Rama-Veliaj, u angazhuan qindra forca të policisë, FNSH-së dhe repartit "Shqiponja", të ardhura nga i gjithë vendi, të cilët zbarkuan që pa gdhirë në Astir.
Të urdhëruar nga "lart", forcat policore ushtruan dhunë barbare ndaj banorëve të pambrojtur të Unazës së Re, të cilët prej më shumë se një viti mbrojtën banesat e tyre kundër prishjes, në një qëndresë heroike në një kauzë sa të drejtë aq dhe ekzistenciale, duke mos kursyer as të moshuarit, gratë dhe invalidët, të cilët u goditën pa pikë mëshire dhe u helmuan me gazin lotsjellës.
Dhe natyrshëm çdo kush me të drejtë do të pyeste: Ku ishte ambasada holandeze kur një 80-vjeçar u rrah barbarisht dhe gjakos në fytyrë nga dhuna policore? Pse nuk bëri asnjë reagim të vetëm ambasada në fjalë kur një invalid u sulmua paturpësisht dhe një burri iu thyen këmbët? Po kur u sulmuan gratë? A i pa të gjitha këto ambasada dhe organizatat e tjera, që pretendojnë se mbrojnë të drejtat e njeriut, që asnjë prej tyre nuk reagoi?
Ajo që vlen të përmendet është se nga dhuna e pretenduar ndaj Anxhelës, u publikuan vetëm një foto, e cila të bën të dyshosh mbi vërtetësinë e këtij sulmi.
A ishte sulmi ndaj Anxhelës strategjia e rradhës e "Rilindjes", për të zhvendosur vëmendjen nga dhuna e pashembullt në zonën e Astirit, te rrahja e transgjinores Anxhela? E themi këtë pasi nuk është hera e parë që Rilindja përpiqet të realizojë manovra të tilla, për të larguar vëmendjen nga problemet reale të shqiptarëve, duke inskenuar ngjarje të stisura ose akte të dhune të aktruara.
Të gjithë ata që kanë studiuar PR e njohin mirë strategjinë e mirëfilltë: "Një ngjarje e madhe futet në hije kur ndodh dhe një ngjarje akoma më e madhe", derisa ajo të kalojë totalisht në harresë e të ketë një kohëzgjatje jo më shumë se 3 ditë në media. Pjesa më e frikshme është që personazhe të njohur në media, aktorë, opinionistë, gazetarë, politikanë, futbollistë, aktivistë, pjesëmarrës të shoqërisë civile e shumë persona të tjerë me influencë, paguhen në shuma marramendëse për të mbajtur lojën e kësaj propagande, duke e parë si rrugën e vetme për të shtyrë edhe disa kohë në pushtet.
Të gjithë e mbajnë mend se çfarë ndodhi në protestën e 21 janarit të vitit 2011, kur një protestues socialist, e ngjyen me bojë të kuqe, për të thënë se e kishte gjakosur policia. Në media u publikua edhe video ku shihej Veliaj me "ushtrinë" e tij, teksa i hidhte bojë në kokë protestuesit. Pra, me pak fjalë, inskenimet janë një strategji e përdorur gjerësisht nga "Rilindja", që në kohën kur ishin në opozitë. Ndërsa tani që kanë pushtetin në dorë, është më e thjeshtë për të orkestruar të tilla ngjarje.
Një pikëpyetje të tillë e ka ngritur edhe një qytetar, i cili ka dërguar një foto të Anxhelës sot, e cila jo vetëm që duket më se e lumtur, por në fytyrën e saj, që dje supozohet se ishte gjakosur nga grushtet që kishte marrë, për çudi s'ka mbetur asnjë shenjë e vetme.
Sipas tij, e gjithë ajo që ka ndodhur me Anxhelën ka qenë një lajm për të shpërqëndruar vëmendjen nga dhuna barbare në Astir.
Denoncimi i plotë:
