Reagime të shumta ka patur ngjarja e sotme e ndodhur në Astir ku protestues në mbrojtje të banesave të tyre ndaj shembjes, janë përplasur me policinë.
Në drejtim të banorëve protestues u hodh gaz lotsjellës dhe disa prej tyre përfunduan në spital me fraktura të shumta.
Të moshuar e fëmijë, të cilët nuk i drodhën duart policinë të vepronte mbi ta si të ishin kriminelë.
Një deklaratë e fundit ka ardhur edhe nga gazetarja e njohur Rudina Xhunga, e cila ka thënë se ishte vonuar për të shkuar në punë për shkak të protestës.
Xhunga ka shtuar se të gjithë e duan zhvillimin e projektit të Unazës së Re.
Ajo deklaroi:
Të gjithë njerëzit duan Unazën përtej të gjithave. Unë u vonova për një tjetër rrugë që nuk po funksionon. Të gjithë duam rrugët. Jemi emocionalë dhe bëhemi partiakë, bëhemi edhe njerëzorë sepse edhe ata që po u prishen shtëpitë janë njerëz. Pastaj ndërhyn politika. Unë erdha me një taksi sot dhe ti e di që unë vij me taksi. Taksisti ishte demokrat dhe më tha se më mban rroga ime ke privati. Nuk ia kam marrë tokën askujt dhe këta të shkojnë te toka e tyre. Përtej emocionales, njerëzores e politikës, njerëzit duan rrugën."
Ndër të tjera, ajo shtoi se policia po bën punën e saj dhe kush qëllon ata em gurë do ndëshkohet. Xhunga tha se në fund të fundit ajo Unazë duhet bërë.
Deklarata e plotë:
Kush e ka shtëpinë e ligjshme i ka marrë paratë. Nuk është e lehtë të dalësh të blesh shtëpi siç kemi bërë të gjithë pa i zënë pronën askujt. Policia po bën punën e saj. Le të themi që ajo unazë duhet bërë. Le të themi kush qëllon me gurë policinë do ndëshkohet. Të gjithë po përpiqen ta kanalizojnë si një çështje ku po bëhet një vjedhje e madhe. Për mua po vihet në provë shteti ligjor. Megaskandali u zbulua dhe nuk po vazhdon ndërsa po vazhdon pengesa për të prishur ato shtëpi.”