Jurgen Klopp është padyshim trajneri më i mirë në botë për momentin, pasi e ka shndërruar Liverpoolin e tij një ekip të frikshëm si në kampionat, ashtu edhe në Champions League.
Përveç taktikave të shumta që përdor në fushën e lojës, ai njihet edhe si nje njeri mjaft komik jashtë saj.
Së fundmi, një episod interesant është regjistruar pas ndeshjes ndaj Cityt, ku Klopp po jepte intervistën e tij të zakonshme para gazetarëve.
Gjatë pyetjeve, ai u ngacmua nëse kishte folur apo jo me Guardiolën, me të cilin kishte shkëmbyer thumbime në distancë para dhe pas ndeshjes.
Sigurisht që fola, pse të mos flas me të”, tha Klop i cili në atë moment ktheu kokën pas dhe pa se Guardiola po afrohej.
“Po vjen Pep Guardiola!”, ishte reagimi i tij epik me zë të ulët dhe më pas u largua me shpejtësi duke qeshur. Nga ana tjetër, edhe gazetarët nuk e mbajtën do të qeshurën për këtë reagim të veçantë të gjermanit.