Është mbyllur kryesfida e javës së 12-të në Premier League mes Liverpool dhe Manchester City në "Anfield Stadium"
"Të kuqtë" kanë arritur një fitore bindëse me rezultatin 3-1, duke u shkëputur në renditje me 8 pikë më shumë se vendi i dytë, Leicester.
Ndeshja nisi në mënyrën më të mirë për të besuarit e trajnerit Jurgen Klopp, të cilët kaluan në epërsi që në minutën e 6-të të sfidës, teksa Fabinho lëshoi një predhë nga jashtë zone, duke mposhtur portierin, Bravo.
Vetëm shtatë minuta më vonë, Mohamed Salah dyfishoi rezultatin, pas asistin të Robertson, duke e dërguar topin në rrjetë me kokë.
Pjesa e parë e ndeshjes mbyllet me rezultatin e pastër 2-0 në favor të vendasve.
Në fraksionin e dytë të sfidës, Sadio Mane shënon edhe golin e tretë, duke e bërë edhe më madhështore këtë fitore në ndeshjen më të rëndësishme të javës në Premier League.
Goli i nderit për 'qytetarët' u shënua nga Bernardo Silva në minutën e 78-të të ndeshjes.
Pas kësaj ndeshje, Liverpool shkëputet në renditje me 34 pikë, ndërsa Manchester City zbret në vendin e katërt me 25 pikë.
Liverpool nuk ka pësuar asnjë humbje këto 12 ndeshje në Premier, ndërsa Manchester City regjistroi humbjen e tretë sot.
