JOQ Albania
Home

Makina ku udhëtonin tre vajza përplaset me bordurën, plagosen dy prej tyre
Shkruar nga: V Gashi | Publikuar më: 03/11/2019 19:30

  • Share
  • Share
  • Share
  • Share

Një tjetër aksident ka ndodhur në rrugët shqiptare mbrëmjen e sotme.

Mësohet se një automjet, ku udhëtonin tre vajza, ka humbur kontrollin në autostradën Tiranë-Durrës, duke u përplasur me bordurën e rrugës.

Si pasojë e aksidentit, kanë mbetur të plagosura dy pasagjeret, shtetaset me iniciale I.H. dhe M.H., të cilat janë dërguar në spital.

Fatmirësisht dy vajzat e lënduara ndodhen jashtë rrezikut për jetën.

Një qytetar ka dërguar edhe pamje nga vendi i ngjarjes në redaksinë e JOQ Albania, pak çaste pasi ka ndodhur aksidenti.

Njoftimi i Policisë:

Rreth orës 18:30 në aksin rrugor Tiranë-Durrës automjeti me drejtuese D. G, ka humbur kontrollin dhe për pasojë është përplasur me bordurën e rrugës. Si pasojë e përplasjes janë dëmtuar jashtë rrezikut për jetën dy pasagjeret në këtë automjet shtetasja I. H, dhe M. H, të cilat u dërguan në spital për ndihmë mjeksore. Policia rrugore ndodhet në vendngjarje ku po vijon punën për sqarimin e rrethanave të ngjarjes dhe shkakut të humbjes kontrollit të automjetit."