JOQ Albania
Home

Ekskluzive/ Jepet alarmi për ‘Flavamed’, farmacistja bën shpjegimin mjekësor: E mbajnë të fshehur mos krijohet panik!
Shkruar nga: F Tenolli | Publikuar më: 30/10/2019 13:51

  • Share
  • Share
  • Share
  • Share

Pak javë më parë Ranitidina, një prej medikamenteve të rëndësishme për qetësimin e stomakut apo sëmundjeve që prekin atë, u dha urdhër të ndalohej në mënyrë urgjente së konsumuari.

Sipas AKBPM, ky medikament kishte përmbajtje kancerogjene.

Një rast tjetër është njoftuar ekskluzivisht për JOQ Albania përsa i përket ilaçeve që importohen në farmaci.

Bëhet fjalë për shurupin “Flavamed”.

Një farmaciste ka dhënë alarmin përsa i përket konsumimit të këtij shurupi që ka një javë që shitet në farmaci. Ditën e sotme shpërndarësit farmaceutikë Ilma Farma dhe Intermed kanë njoftuar tërheqjen nga tregu të këtij shurupi me numër serie 83016, teksa asnjë reagim nuk ka patur nga ana e AKBPM.

Ndër të tjera, ajo thotë se ia ka dhënë dhe djalit të saj për ta konsumuar dhe po mundohet të mbahet e fshehur të mos krijohet panik tek përdoruesit, teksa ka qenë edhe produkt me ofertë.

Ajo është shprehur për JOQ Albania:

Pershendetje JOQ. Si kaluat mire? Jam nje farmaciste dhe po ndihem aq keq sepse cdo dite po na dalin histori te reja. U be buje per Ranitidinen 150 mg qe te terhiqej urgjent e te ndalohej shitja e saj, e ndersa sot na vjen njoftim qe te terhiqet urgjentisht shurupi Flavamed me nr serie 83016 sepse ka nje problem serioz. Cfare behet keshtu ne kete vend haleje qe po jetojme??? Kam shitur pafund kete jave shurupa Flavamed po me te njejten seri 😭😭😭 epo ku ne furnizohemi ilma farma dhe pëfaqësuesi i Intermedica më dha të njëjtën përgjigje. Mundohen ta mbajnë të fshehur të mos krijohet panik tek përdoruesit. Po ka nja 3 dite ja kam filluar cunit. Po madje ka qene me oferte para 2 javesh po une fatmirësisht se mora.
Intermed ka njoftuar se ky shurup do të çohet për verifikim atje ku prodhohen, sepse sipas Farmakovigjilences është bere gabim ne prodhim. Gjë që do të thotë se kur prodhohet ndonjë bar janë çështje butonash, psh për të prodhuar x medikament shtypet psh butoni 4 8 9 dhe gabimisht ky përgjegjësi i turnit ka ngatërruar radhën. Ky ishte shpjegimi që më dha përfaqësuesi mjekësor. Gjasme prodhohet ne Gjermani po pershkrimi eshte shqip e hajde merre vesh”

Farmacistja shton se përgjegjësia i mbetet Agjencia Kombëtare të Barnave dhe Pajisjeve Mjekësore, që kanë dhënë pullat pa bërë eksperimentin nëse shurupi është brenda normave apo jo.

Nuk dihet ende sa serioze mund të jenë pasojat e atyre që e kanë konsumuar.