Shtëllungat e tymit “pushtojnë” qytetin, si po u rrezikohet shëndeti banorëve nga fabrika e çimentos në Fushë-Krujë

Fushë-Kruja është një nga qytetet më të prekura nga ndotja e mjedisit në Shqipëri.

Në këtë qytet ndodhet fabrika e çimentos, e cila prej vitesh lëshon thuajse çdo ditë shtëllunga tymi, sasi bloze dhe pluhurash, që shkaktojnë dëme të mëdha në bujqësi, blegtori, por edhe tek shëndeti i njerëzve.

Së fundmi një qytetar ka dërguar edhe pamje, ku shihet ndotja që shkakton fabrika e çimentos në Fushë-Krujë.

Siç shihet dhe në foto, sasia e tymrave dhe pluhurave e lëshuar nga punimet në fabrikë, kanë krijuar një re tymi, që ka veshur qytetin.

Mesazhi i qytetarit:

Prsh joq kam edhe un nje pamje skandaloze te ndotjes se fabrikes se cimentos ne f kruje. Ka krijuar nje form reje tymi. Flm."

Kjo nuk është hera e parë që qytetarët denoncojnë ndotjen që shkaktohet nga fabrika e çimentos në Fushë-Krujë, por ankesat e tyre duket se kanë shkuar në vesh të shurdhër, pasi deri më tani asnjë masë konkrete nuk është ndërmarrë nga organet kompetente për minimizimin e efekteve shkatërrimtare për shëndetin e qytetarëve.