JOQ Albania
Home

Dërgoi për 4 vite me radhë mesazhe te numri i babait të ndjerë, vajza merr përgjigjen që s’e priste kurrë: Ti më ke mbajtur gjallë
Shkruar nga: E Prifti | Publikuar më: 26/10/2019 19:09

  • Share
  • Share
  • Share
  • Share

Një grua, e cila i dërgonte pothuajse çdo ditë mesazhe babait të saj të ndjerë në numrin e telefonit, ka marrë një përgjigje atëherë kur nuk e priste. Pak ditë përpara se ai të bënte katër vite që kishte ndërruar jetë.

Chastity Patterson, nga Arkansas, postoi në mediat e saj sociale një mesazh prekës që ia kishte dërguar numrit të babait. Në vend të heshtjes, kësaj radhe ajo mori një përgjigje nga një burrë që kishte në përdorim numrin e të atit.

Në mesazhin e dërguar, Chastity përmendte ngjarje të ndryshme nga jeta e saj ndër vite.

Chastity shkroi:

U bënë 4 vite që të kam humbur dhe çdo ditë më mungon. Kanë ndodhur shumë gjëra në kaq pak kohë, por jam e sigurt që t’i i di sepse unë t’i tregoj gjithnjë. Më vjen keq që nuk aty për ty kur kishe më shumë nevojë për mua, por një ditë ne do të kemi mundësinë që ta shohim bashkë atë lojë. Druhem nga martesa sepse do më duhet të ec e vetme drejt altarit, ti nuk do jesh aty që të më thuash që gjithçka do të shkojë mirë. Po eci shumë mirë, ti do të ishe shumë krenar për mua… thjesht dua të të them që të dua dhe se më mungon shumë.”

Kësaj radhe përgjigje i ktheu një burrë i panjohur që quhet Brad.

Ai i shkroi në mesazhin e tij:

Përshëndetje zemër, unë nuk jam babai jot por i kam marrë mesazhet e tua për katër vite. Gjithmonë i kam pritur mesazhet e tua të mëngjesit dhe të darkës..Emri im është Brad dhe unë e kam humbur vajzën time në një aksident që ndodhi në vitin 2014 dhe mesazhet e tua më kanë mbajtur gjallë…”

Më tej ai i shpjegon që nuk ka dashur t’i kthente përgjigje pasi nuk donte t’i thyente zemrën. Më tej edhe i shpjegon që babai i saj do kishte qenë shumë krenar për të.

Që pas publikimit të ‘screenshoteve’ postimi është bërë viral duke marrë më shumë se 99,000 reagime dhe 214,000 shpërndarje.

Burimi:UNILAD|Përktheu dhe përshtati:JOQ Albania