JOQ Albania
Home

380 policë në Portin e Durrësit, qytetari nxjerr blof Policinë e Lleshit: Shoqërun peshkatarët që kanë qen t’u gjujt me grep
Shkruar nga: F Tenolli | Publikuar më: 25/10/2019 18:39

  • Share
  • Share
  • Share
  • Share

Ditën e sotme u njoftua një aksion ‘gjigant’ nga ana e Policisë së Shtetit në Portin e Durrësit, pasi u dha alarmi se dyshohej për kontejnerë me drogë dhe armë kontrabandë.

Në port zbarkuan forca të shumta policie, të cilat kryen kontrolle të imtësishme në automjete dhe në kontejnerë. Porti u rrethua nga forcat e Posaçme Operacionale, policia kufitare dhe Drejtoria Vendore Durrës.

Në këtë kontroll policor u angazhuan 380 forca policore, 10 qen antidrogë dhe 2 dronë.

Gjatë kontrolleve, edhe pse u tha me të madhe se bëhej fjalë për një sasi të konsiderueshme drogë dhe armë u sekuestruan vetëm 1 pistoletë zhurmuese, thikë, vula të falsifikuara, targa mjetesh të falsifikuara, dokumente të kundërligjshme, si dhe sasi me cigare kontrabandë, teksa 23 persona u shoqëruan për veprime të mëtejshme.

Teksa objektivi i synuar për t’u kapur ishte larg rezultateve, policia e Sandër Lleshit u shpërndau mediave një video nga ‘aksioni blic’.

Një qytetar ka shkruar për redaksinë e JOQ Albania, se edhe personat që janë shoqëruar, kanë qenë peshkatarë të zonës, të cilët kanë qenë duke gjuajtur me grep.

Teksa qytetari shton se një mikun e tij të cilin e gjobitën për xhama të zinj, e morën për shoqërim e prangosën dhe më pas e kishin përfshirë tek videoja e shpërndarë me fytyrë të mbuluar.

Qytetari shprehet për JOQ Albania:

I kanë qr ca janë këto kështu, nji nga të arrestimit për konstrabandë e kanë ndalu se ska pas leje qarkullimi, ka pas 2 gjoba i ka von edhe gjobë për xhama të zinj  e kanë rras mren. Ka qen tu shku te anija vet, te italjont e kanë ndalu kot e kanë bo shembull. Kapet trafikanti, qr. Kanë shoqëru peshkatarët që kanë qen tu gjujt me grep i kanë rras mren, e kupton pak ca janë tu bo? Këtij shokun tim e kishin nxjerrë me video i kishin vu prangat, këtë që kishin ndaluar mes rrugës me makinë. Kena qesh me lot kur kemi pa videon. Ja ca propagande bo Sander Lleshi!”