JOQ Albania
Home

Gazetari i njohur: Urgjent, zgjedhjet që nesër! S’duroj dot qelbësira që paguhen me paratë e mia
Shkruar nga: G Hasani | Publikuar më: 25/10/2019 16:29

  • Share
  • Share
  • Share
  • Share

Gazetari i njohur, Mentor Kikia ka reaguar ashpër ndaj disa deputetëve të parlamentit dhe situatës në Shqipëri. Përmes një shkrimi, ai shprehet se do zgjedhje të parakohshme sa më shpejt të jetë e mundur.

Gazetari shkruan se nuk i duron dot më deputetët karagjozë që paguhen me paratë e tij.

"Unë punoj 12 orë në ditë, bëj vetëm një ditë pushimn në javë dhe paguaj 25% të pagës time taksë. Me paratë e mia paguhen këta qelbësira, që nuk dinë të lidhin asnjë fjalë, që bëjnë biznes me mandatin e deputetit dhe që me errin sytë kur i shikoj", shprehet Kikia.

Postimi i plotë i Mentor Kikisë:

Nuk i duroj më këta karagjozë që paguhen si deputetë me paratë e mia!
Unë dua që të bëhen zgjedhje parlamentare që nesër. Dhe nuk më intereson fare se cila parti fiton. Dua të jem tërësisht i papërgjegjshëm për forcën politike dhe programin ekonomik. As ma ndjen fare për negociatat dhe integrimin. Dua vetëm të zhduken nga ai parlament një dyzinë karagjozësh e palaçosh, që marrin guximin e dalin edhe nëpër ekrane.
Edhe ata quhen ligjvënës. Edhe ata paguhen më paratë e mia. Unë punoj 12 orë në ditë, bëj vetëm një ditë pushimn në javë dhe paguaj 25% të pagës time taksë. Me paratë e mia paguhen këta qelbësira, që nuk dinë të lidhin asnjë fjalë, që bëjnë biznes me mandatin e deputetit dhe që me errin sytë kur i shikoj. Me paratë e mia këta kanë të drejtë të marrin edhe pension suplementar kur të dalin në pension, që do të jetë sa trefishi i pensionit tim. Këta palaço cirku kanë të drejtë edhe të kurohen jashtë vendit, po me paratë e mia, kur tu rrezikohet shëndeti. Po me paratë e mia, këta kanë të drejtë të marrin edhe kredi të buta, po të butra fare, pa interes, për të blerë shtëpi. Unë paguaj kreditë e bankave që të thithin gjakun, kur ta mbarosh.
Ndaj zgjedhje urgjent!
Dhe urgjent shqiptarë, në këmbë, të gjithë. Të hiqen të gjitha privilegjet që deputetët gëzojnë me ligj. Sepse nuk meritojnë as një kacidhe nga paratë e djersës tonë, pale privilegje."