JOQ Albania
Home

Doli nga burgu, ‘sozia’ e frikshme e Angelina Jolie jep intervistë në TV: Vulgariteti në mediat sociale sjell vëmendje
Shkruar nga: E Prifti | Publikuar më: 25/10/2019 7:38

  • Share
  • Share
  • Share
  • Share

"Sozia" në versionin më të frikshëm e Angelina Jolie ka dalë së fundmi në një televizion pasi u arrestua së fundmi për blasfemi.

Sahar Tabar u bë e njohur falë fotove që i editon në ‘100 mënyra’ dhe i publikon më pas në mediat e saj sociale. Shpesh 22-vjeçares i janë referuar si versioni ‘zombie’ i Jolie pasi në fytyrë ka një ngjyrë të errët dhe të zbehtë me raste.

Duke folur në televizionin iranian IRTV2, Sahar u shpreh:

Aktualisht nuk dukem si tek fotot e mia të bëra me fotoshop. Mami më ka thënë shumë herë që të ndaloj, por s’e kam dëgjuar. Ndonjë herë fjalët e ndonjë të huaji apo miku mund të jenë më të rëndësishme se ato të prindit."

Sipas disa raportimeve më herët thuhej se e reja nga Tehrani, ka paguar për rreth 50 ndërhyrje kirurgjikale për ta bërë fytyrën që t’i duket ndryshe.

Gjithsesi ajo i ka mohuar të gjitha këto duke shtuar se fotot e frikshme në Instagram janë thjesht rezultat grimi dhe editimi fotosh.

Sahar tregon më tej:

Vulgariteti në rrjetet sociale sjell goxha klikime. Ëndrra ime e fëmijërisë ka qenë që të bëhem e famshme."

Gjithsesi kjo intervistë që dha e reja ka marrë shumë kritika ndërsa nuk kanë munguar ata që kanë thënë se ishte e gjitha e inskenuar.

Tabar u vu në pranga më herët gjatë këtij muaji për akuza të ndryshme përfshirë blasfeminë.

Burimi:LAD BIBLE|Përktheu dhe përshtati:JOQ Albania