Pak javë më parë, një video nga plazhi i Vilë Bashtovës në Kavajë, ku disa turistë të huaj shfaqeshin lakuriq duke kryer marrëdhënie intime, duke notuar e lëvizur në bregun e detit, pa e prishur aspak terezinë, bëri mjaft bujë në media.
Pamje të tilla në vendet perëndimore mund të cilësohen si diçka e zakonshme, por në Shqipëri kjo gjë vijon të jetë tabu dhe tërhoqi vëmendje të madhe në opinionin publik, ku nuk munguan edhe reagimet e ashpra.
Së fundmi, një qytetar ka dërguar disa foto në redaksinë e JOQ Albania ku shihen tre persona, dy gra dhe një burrë, në bregdetin e "Ranës së Hedhun" në Shëngjin.
Sipas qytetarit, fotot janë realizuar mbrëmjen e sotme, pak para perëndimit të diellit, ndërsa personat në fjalë mendohet se janë turistë.
Siç shihet dhe në foto, ata kanë ndezur një zjarr në rërë dhe po shijojnë relaksin dhe qetësinë që të ofron "Rana e Hedhun".
Pamje të pazakonta këto, teksa jemi në ditët e fundit të muajit tetor. Megjithatë, prej disa ditësh vendi është përfshirë nga një mot i kthjellët dhe me temperatura të ngrohta.
