Të shumta janë fotot dhe videot që kanë mbërritur në redaksinë e JOQ Albania, ku në vende nga më të ndryshmet, është gjetur e formuar rastësisht harta e Shqipërisë.
Jo më larg se dje, një qytetar shqiptar që jetonte dhe punonte në Greqi dërgoi foton e një molle, ku ishte formuar harta e vendit tonë.
Së fundmi, një shqiptar që jeton në Londër, i cili po ecte në rrugët e kryeqytetit anglez, ka mbetur i surprizuar me imazhin e pazakontë që ka parë në asfalt.
Ai ka dërguar një video në redaksinë e JOQ Albania, ku shihet harta e Shqipërisë, e formuar në asfatin e një prej rrugëve të kryeqytetit të Anglisë.
Sipas mesazhdërguesit, rruga në fjalë ndodhet në qendër të Londrës.
Shqiptarët, veçanërisht ata që jetojnë jashtë kufijve të Shqipërisë, janë shprehur se iu bëhet zemra "mal" kur hasin të tilla pamje të rralla.