Pak ditë më parë, një histori tepër e dhimbshme mbërriti në redaksinë e JOQ Albania, ku varfëria ekstreme dhe sëmundjet "mbretëronin" në një familje në fshatin Poloskë të Devollit.
Familja Skermo, e cila përbëhet nga kryefamiljari Bledari, bashkëshortja e tij, Enkeleida dhe djali i tyre i vogël 8-vjeçar, Juliani, jeton mes skamjes dhe sëmundjeve.
Dy bashkëshortët, Bledari dhe Enkeleida përballen edhe me probleme të rënda shëndetësore, të cilat i kanë bërë të dorëzohen përballë fatit të tyre, pasi nuk kanë mundësi të punojnë.
Enkelejda Skerma është 38 vjeç, dhe sëmundja po e tret çdo ditë e më shumë. Ishte vetëm një virozë e stinës që i dha shqetësime në organizëm pa e ditur se kjo do e linte me pasoja përjetë. Mjekimi i pakujdesshëm dhe i gabuar i shkaktuan asaj një bakter të rëndë në stomak duke e lënë në shtrat për shumë kohë. Ajo vuan edhe nga hernia diskale lumbare. Por jo vetëm kaq, kjo gjendje e rënduar shëndetësore i ka shkaktuar edhe probleme të shumta psikologjike.
Ndërsa Bledari, i cili dikur punonte në shtetin grek dhe siguronte të ardhura për të mbajtur familjen, vuan nga hernia diskale, e cila i ka paralizuar çdo qelizë. Doktorët ia kanë ndaluar të lëvizë, pasi në të kundërt fijet nervore të qafës mund të këputen dhe t’i shkaktojnë vdekjen.
Bledari iu drejtua redaksisë së JOQ Albania pak ditë më parë, ku bëri një apel rrëqethës, teksa shprehej se ss’mund të sigurojnë dot as bukën e gojës, ndërkohë që kanë nevojë edhe për ilaçet, të cilat nuk mund t’i blejnë dot.
Pengu më i madh i çiftit Skermo është Juliani, djali 8-vjeçar, i cili është traumatizuar nga kjo gjendje e mjerueshme me të cilën familja e tij po përballet, që zor se gjen dot fjalë për ta përshkruar.
Dy ditë më parë, nëna e Julianit, Enkeleida, bëri një tjetër apel prekës drejtuar shqiptarëve përmes redaksisë së JOQ Albania. Ajo tregoi se mbahen me vetëm 30 mijë lekë ndihmë ekonomike, e cila nuk ju del për asgjë, pasi vetëm ilaçet ju kushtojnë 270 mijë lekë në muaj.
Me zemrën e një nëne, ajo iu përgjërua të gjithë shqiptarëve që ta ndihmojnë familjen e saj me sa kanë mundësi, pasi mjerimi dhe skamja e tyre është e papërshkrueshme.
Enkeleida dërgoi edhe një video, ku Juliani i vogël, me pafajësinë e një ëngjëlli, lutet për ndihmë, në një apel i cili të prek thellë zemrën dhe të rrëqeth shpirtin.
"Ju lutem na ndihmoni", thotë 8-vjeçari, që ndodhet përkrah prindërve të tij. Ndërsa Bledari, me zërin që i dridhet, iu drejtohet sërish me dorën në zemër shqiptarëve për ndihmë.
Ditën e sotme, Bledari ka bërë një tjetër apel prekës drejtuar shqiptarëve përmes redaksisë së JOQ Albania, ku ka dërguar disa foto ku vërteton sëmundjet me të cilat përballet ai dhe bashkëshortja e tij.
Bledari rrëfen se Juliani i vogël ka shfaqur shenja të çrregullimit mendor, për shkak të gjendjes së tyre të rënduar ekonomike dhe shëndetësore. Ai shton më tej se nuk kanë mundësi as për t'i ofruar bukën e gojës.
Me dorë në zemër, Bledari kërkon ndihmë nga shqiptarët, që të paktën Juliani të shpëtojë nga ky "ferr" që po përjeton padrejtësisht.
Të gjithë bashkë të ndihmojmë Julianin, Bledin, dhe Enkeledën. Shpresa e tyre janë shqiptarët!
Apeli i plotë i Bledarit:
Apeli rrëqethës i 8-vjeçarit: Ju lutem na ndihmoni! on Vidnews.
Për të gjithë ata që duan të kontribuojnë financiarisht për të ndihmuar familjen Skermo:
1. Llogari në lek: 403000511
IBAN LEK nr: AL6320543525000511CLIDCLALLE
SWIFT: NCBAALTX
2-Llogari në EURO: 403000511
IBAN EURO nr: AL4520543525000511CLIDCFEURZ
SWIFT: NCBAALTX