Një aksident rrugor ka ndodhur pak më parë në aksin Shkodër-Koplik. Si pasojë e aksidentit, një person është plagosur.
Siç mëson JOQ, personi i aksidentuar është këngëtari Roland Çukaj. Ai ka qenë duke udhëtuar me motorin e tij Harley Davidson, në momentin që ka ndodhur ngjarja.
Të pranishmit në vendngjarje bëjnë me dije se këngëtari udhëtonte me motorin e tij tip Harley teksa parakaloi një automjet tip Golf me targë AA 755 NP.
Pas parakalimit, Çukaj ka humbur drjetimin e motorit e për pasojë ka rënë në kanal, në anë të rrugës. Ai ka pësuar dëmtime në pjesë të ndryshme të trupit, e veçanërisht në kokë.
Siç mund të vihet re nga pamjet e siguruara nga JOQ, gjendja e këngëtarit nuk është aspak e mirë. Ai është fashuar në kokë, ku ka pësuar disa çarje dhe është dërguar me urgjencë në spital.
Deri më tani nuk ka asnjë njoftim zyrtar nga policia në lidhje me aksidentin.