Një aksident i rëndë i ndryshoi përgjithmonë jetën 33-vjeçarit, Bujar Biçaku, nga Njësia Administrative Helmas në Kavajë.
Babai i dy fëmijëve të mitur është shtruar tek Spitali i Traumës prej më shumë se tre muajsh, pasi mori lëndime të rënda nga aksidenti.
Motra e tij, Migena Toshkezi Biçaku, ka shkruar dy ditë më parë pranë redaksisë së JOQ Albania, ku i drejtohet të gjithë shqiptarëve në një apel rrëqethës, pasi Ministria e Shëndetësisë i e ka lënë vëllain e saj në mëshirë të fatit.
Sipas saj, 33-vjeçari ka këputur tre rruaza të qafës, ka pësuar një çarje në kokë rreth 20 centimetra dhe fatkeqësisht ka mbetur i paralizuar në të gjithë trupin dhe mund të lëvizë vetëm pjesën e kokës.
Ai ka kryer dy operacione, një kokë dhe një në qafë, ku i janë vendosur tre proteza për mbajtjen e ekuilibrit të qafës.
Mirëpo gjendja e babait të dy fëmijëve ende nuk është përmirësuar dhe mjekët i kanë sugjeruar ta dërgojnë në Turqi për kryerjen e një operacioni që do t'i mundësonte ecjen, i cili kushton 50.000 euro.
Sikur të mos mjaftonte kjo, Migena rrëfen për JOQ Albania se nëna e saj është e sëmurë me Sindromën Down, ndërsa babai i tyre është i verbër dhe nuk kanë mundësi ekonomike.
Ajo tregon më tej se tërmeti i 21 shtatorit ka i ka prishur edhe banesën 33-vjeçarit të aksidentuar.
Bujarit i ka mbetur vetëm një muaj jetë dhe motra e tij lutet me dorë në zemër që shqiptarët ta ndihmojnë.
Apeli i plotë i Migenës:
Për të gjithë ata që duan të kontribuojnë financiarisht në mbledhjen e fondeve për të ndihmuar babain e dy fëmijëve, familja ka vendosur në dispozicion numrin e llogarisë në “Credins Bank” në emër të Bujar Bicakut në Euro
Gjithsashtu familjarët e 33-vjeçarit kanë hapur edhe një llogari në "GoFundMe", ku të gjithë mund të kontribuojnë që edhe Bujari të ketë mundësinë të jetë pranë familjes dhe fëmijëve të tij të mitur.