JOQ Albania
Home

Surprizat e Edi Rejës/ Lë jashtë kombëtares Mavrajn, fton për herë të parë dy të rinj
Shkruar nga: K Demiraj | Publikuar më: 03/10/2019 15:07

  • Share
  • Share
  • Share
  • Share

Edi Reja pritet të shpallë listën për dy ndeshjet e Kombëtares ndaj Turqisë dhe Moldavisë ditën e nesërme ose në fundjavë. “Panorama Sport”, ka mësuar se trajneri ka lënë jashtë këtij grumbullimi kapitenin e Kombëtares, Mërgim Mavraj. Gjithashtu, italiani ka afruar në ekip edhe të rinj me formë të jashtëzakonshme, si Endri Çekiçi dhe Armand Broja.

KAPITENI

Mërgim Mavraj është një ndër futbollistët që kanë dhënë kontribut shumë të rëndësishëm me Kombëtaren shqiptare. Qendërmbrojtësi që ofronte cilësi, qetësi dhe lojë të mirë me topin nëpër këmbë, duket se nuk është më në planet e trajnerit të Kombëtares. Qendërmbrojtësi është duke u aktivizuar vazhdimisht si titullar me skuadrën e Grojther Fyrtit, por “Panorama Sport” ka mësuar ekskluzivisht se deri më tani, teksa janë shpërndarë ftesat për të gjithë lojtarët, emri i kapitenit Mavraj nuk është përfshirë në listën e trajnerit.

RISITË 

Forma e mirë e kuqezinjve ka bërë që trajneri i Kombëtares të kthejë sytë te të rinjtë. Pak kohë më parë, në grumbullimin e fundit, Edi Reja foli edhe për të ardhmen dhe rinovimin e Kombëtares. Në listën zyrtare të Kombëtares për ndeshjen me Turqinë dhe Moldavinë trajneri Reja ka afruar si risi Endri Çekiçin që luan në Slloveni me NK Olimpija Ljubljana dhe Armand Brojën, i cili aktivozohet me të rinjtë e Chelseat.

***

Për t’u bërë pjesë e grupit mjafton të klikoni: Join Group dhe kërkesa do t’ju aprovohet.
KOMUNITETI JOQ ALBANIA: https://m.facebook.com/groups/komunitetiJOQ/