Pasi mposhti bindshëm boksierin çek, Miroslav Serban, në eventin "Ultimate Boxxer 5", që u zhvillua në Londër, Florian Marku ka objektiv shumë të madh në karrierën e tij.
Sportisti 26-vjeçar ka publikuar një video në Instagram me sekuencat kryesore nga dueli i tij kundër Serban.
Në mbishkrimin e videos, Marku shprehet se synon që të bëhet shqiptari i parë që fiton titull botëror në sportin e boksit.
Bokseri i talentuar shqiptar shkruan:
Ish-ylli i MMA e regjistroi fitoren e pestë në boksin profesionist.
Marku tërhoqi vëmendjen e mediave britanike, ku prestigjozja "The Sun" u shpreh me superlativa të larta për shqiptarin, duke theksuar se ai do t'i mahnisë fansat e tij në Londër.
Dhe kështu ndodhi, boksieri shqiptar ia doli ta mposhtë rivalin e tij, duke e dominuar ndeshjen dhe duke dhuruar spektakël për shqiptarët e shumtë të pranishëm në arenë.