Manuel Nojer ka pësuar një rënie të ndjeshme gjatë dy sezoneve të fundit, për shkak të dëmtimeve të shpeshta.
Portieri i Bayernit të Mynihut dhe kombëtares gjermane po kap moshën 34-vjeç, por mendon se ka ende për t'i dhënë shumë futbollit.
Së fundmi, ka pasur dilema për qëndrimin e tij në Mynih, por ai ka bërë të ditur se dëshiron ta vazhdojë kontratën e tij me Bayernin , madje sa më parë që të jetë e mundur.
Kapiteni i Gjermanisë është pjesë e skuadrës së Bayernit për tetë vite dhe është i vendosur të vazhdojë aventurën e tij me kampionët e Bundesligës.
Edhe shefi ekzekutiv i Bayern, Karl Heinz Rummenigge është i mendimit se bashkëpunimi mes dy palëve duhet vazhduar.
Mbetet të shihet nëse portierit do t’i ofrohet një rinovim kontrate së shpejti, por një gjë është e sigurt: Nojer në kokën e tij mendon vetëm për Bayernin.