Lionel Messi ka dominuar vitet e fundit në futboll, duke fituar shumë trofe, si me Barcelonën, ashtu edhe në aspaktin personal.
Mosha kalon dhe yllit argjentinas po i afrohet fundi i karrierës. Të gjithë fansat e futbollit, sidomos ata të Messit po vajtojnë faktin se nuk do munden të shohin më magjitë e tij.
Shumë futbollistë të tjerë janë përpjekur t'i afrohen për nga stili i lojës, por nuk ja kanë dalë.
Së fundmi, një djalosh 16-vjeçar nga Portugalia duket se është në rrugë të mbarë për të qenë ai ndoshta pasuesi ideal i "pleshtit".
I gjatë sa Messi, pra 1.70 dhe me flokët fiks si të argjentinasit, djaloshi i quajtur Francisco Conseiçao ka rënë se tepërmi në sy në Portugali, madje luan edhe me të rinjtë e kombëtares portugeze.
Sikur mos mjaftonte ngjashmëria fizike, 16-vjeçari ka thuajse të njëjtin stil loje si Messi. Sigurisht do i duhet jashtëzakonisht shumë punë për t'u bërë një Messi, por duket në rrugë të mbarë deri tani...
