Facebook po mendon të testojë fshehjen e numrit të like-ve për përdoruesit e tij. Ky lloj testimi bën sens: Instagram nisi testimin e fshehjes së numrit të like-ve këtë vit dhe ka shenja që po rezulton e sukseshme deri tani, qëkur numri i shteteve që janë bërë pjesë e këtij testi po rritet. Gjithashtu njerëzit që janë bërë pjesë e këtij testi duket sikur po e pëlqejnë këtë mënyrë të re të fshehjes së numrit të like-ve.
Ndërkohë që like kanë qenë një faktor kryesor për Facebook për gati një dekadë, përdoruesit janë ankuar që kjo gjë po i bën të ndihen keq, sepse ata shqetësohen nëse postimet e tyre kanë marrë mjaftueshëm likes. Tanimë njerëzit nuk do të kenë më frikë nëse postimet e tyre nuk do të marrin likes ose do të fshijnë postimet që nuk kanë performuar mirë ashtu sic ata kishin menduar. Fshehja e numrit të like-ve mund të zgjidhë disa nga këto lloj problemesh. Disa përdorues mund të kenë mundësinë të shohin vetëm disa emoji reaction dhe një shënim që postimi është pëlqyer nga një mik ose persona të tjerë, por jo numrin ekzakt të pëlqimeve. Nëse kjo rezulton në më shumë postime në Facebook dhe më shumë kohë të shpenzuar në Facebook atëherë ne do të shohim më shumë teste të tilla të shtohen në numër dita ditës.