Një zhytës ka arritur që të kapi në kamera momentin kur u ‘takua’ ballë për ballë me një anakonda gjigante.
Bartolomeo Bove dhe kolegu i tij Juca Ygarape ishin duke u zhytur në ujërat e lumit Formoso në Brazil në momentin që ata pikasën anakondën jeshile, gjarprin më të madh në botë.
Pamjet e frikshme janë filmuar në korrik.
Në video gjarpri, i cili ishte 7 metra i gjatë, mund të shihet teksa qëndron në shtratin e lumit. Zhytësit madje guxojnë që t’i dalin zvarranikut gjigant ballë për ballë duke mbajtur kamera në dorë.
Anakonda, e cila peshonte plot 90 kg, më pas nis të largohet nga vendi ku ndodhej. Por, në vend që të largohej duke ulëritur, siç do bënin shumica prej nesh, Bove e ndjek nga prapa.
Në fund, përpjekjet e tij u shpërblyen pasi arriti të merrte disa plane të mahnitshme nga zvarraniku i frikshëm i Brazilit.
Bashkë me videon, Bartolomeo shpjegon se anakondat paragjykohen pasi ato nuk janë gjallesa agresive ashtu siç mendojnë shumica e njerëzve.
Burimi:LAD BIBLE|Përktheu dhe përshtati:JOQ Albania