Trajneri i Kombëtares, Edi Reja, foli për mikrofonin e “Supersport” pas fitores me Islandën, ku u duk i kënaqur me fitoren.
Italiani u shpreh se mesfusha ishte reparti që i pëlqeu më shumë, ndërsa shtoi se Kombëtarja në vazhdim do bëjë ndeshje akoma më të mira.
Ai u shpreh:
Më bëhet qejfi që kemi fituar ndeshjen, por më vjen keq që kemi pësuar gola që mund të evitoheshin. Djemtë më kënaqën të gjithë, sidomos mesfusha, që është shumë teknike me Memushajn, Baren dhe Gjasulën, i cili bëri dhe rolin e digës. Gjetëm forca të reja, dhe lojtarë që mund të na japin për të ardhmen. Skuadra po rritet. Kjo fitore na ndihmon. Kemi krijuar grup. Performanca të këqija nuk do ketë më."