Janë luajtur mbrëmjen e sotme edhe sfidat e tjera kualikuese për Euro 2020, ku Franca dhe Turqia në grupin e Shqipërisë arritën të fitonin ndeshjet e tyre respektive.
Francezët mposhtën në shtëpi me rezultatin 3-0 Andorrën, ndërsa turqit shkatërruan Moldavinë në transfertë duke fituar 0-4.
Pas 6 ndeshjes, grupi H kryesohet nga Franca me 15 pikë, po aq sa Turqia, e ndjekur nga Islanda me 12 pikë dhe Shqipëria renditet në vendin e katërt me 9 pikë.
Ndërkohë në sfidat e tjera, portugezët bënë detyrën ndaj modestëve të Lituanisë në grupin B, duke i mposhtur me rezultatin 5-1, ku 4 prej golave u shënuan nga Cristiano Ronaldo. Në ndeshjen tjetër të grupit Serbia fitoi 3-1 në transfertë ndaj Luksemburgut.
Ndërsa në grupin e Kosovës, ku dardanët u mposhtën me dinjitet nga Anglezët, ndeshja tjetër mes Malit të Zi dhe Çekisë, u fitua me rezultatin 0-3 nga këta të fundit.
Ndeshjet:
Francë-Andorra 3-0
Lituani-Portugali 1-5
Luksemburg-Serbia 1-3
Moldavi-Turqi 0-4
Mali i Zi-Republika Çeke 0-3
***
Për t’u bërë pjesë e grupit mjafton të klikoni: Join Group dhe kërkesa do t’ju aprovohet. KOMUNITETI JOQ ALBANIA: https://m.facebook.com/groups/komunitetiJOQ/
